Sen. Poe bukas sa DNA testing

KINUKONSIDERA ni Sen. Grace Poe ang mga alok na sumailalim siya sa DNA testing para malaman ang pagkakakilanlan ng kanyang biological father.

Lumipad si Poe sa Iloilo kahapon para umano makakuha ng karagdagang impormasyon matapos ang ulat na isang Edgar Militar ang kanyang biological father.
Ayon sa ulat, hinimok umano ng mga anak ni Militar si Poe na sumailalim sa DNA testing.

Bumisita rin si Poe sa Jaro Cathedral, kung saan siya natagpuan matapos siyang abandunahin nang siya ay sanggol pa.
Inampon si Poe ng mag-asawang Susan Roces at yumaong dating aktor Fernando Poe Jr.
Nakipagkita rin si Poe kay Iloilo Mayor Jed Patrick Mabilog. Inquirer