GERPHIL FLORES AT KRIS AQUINO
IT was obvious na iniwasan ni Kris Aquino si Gerphil Flores.
Hindi naganap ang much-awaited meeting between Kris and Gerphil sa Aquino And Abunda Tonight noong Miyerkules. Nag-abroad kasi si Kris para sa celebration ng birthday ni Joshua.
Maganda sana kung nagharap sina Kris and Gerphil. It would be a face-off to watch sana since the Queen of Talk received a lot of bashing when Gerphil became a finalist sa Asia’s Got Talent. Hindi kaya sinadya ni Kris na wala siya sa guesting ni Gerphil dahil takot siyang makaharap ito?
Nabuhay ang YouTube video ng pagsali ni Gerphil sa Pilipinas Got Talent years ago. Nalaglag siya sa semi-finals nang piliin ni Kris si Sherwin over her. Ang nakakaloka pa, pinagsabihan siya ni Kris na kumanta ng age appropriate songs.
Hindi nagustuhan ng loquacious TV host ang classical piece na inawit ng dalaga. Naging viral ang video na ‘yun at marami ang naawa sa sinapit ni Gerphil sa kamay ni Kris. Crying galore kasi ang beauty ni Gerphil kaya marami ang nakisimpatya sa kanya.
Tila vindicated naman si Gerphil dahil nagustuhan ng mga judges ang pag-awit niya. And it showed that Kris made a big mistake in making lait her classical leaning. Anyway, Gerphil reiterated sa guesting niya sa A&A Tonight na walang-wala siyang galit kay Kris at kay Ai Ai delas Alas kahit inokray nga siya ng mga ito noon sa PGT.