HINAMON kahapon ni Sen. Nancy Binay ang kanyang mga kapwa senador na magpakatotoo sa kanilang motibo sa pagpirma sa committee report na nagrererekomenda sa paghahain ng plunder laban sa kanyang tatay na si Vice President Jejomar Binay kaugnay ng umano’y overpriced na Makati City Hall parking building 2.
“My colleagues have their own reasons for signing and I respect that. But I wish those who signed it thinking it would boost their plans to run for president or vice president will be candid enough to admit their personal motives,” sabi ni Binay.
Ito’y matapos namang pumirma ang 10 senador sa report ng Senate blue ribbon subcommittee na nag-eendorso para sa plunder ni Binay, anak na si Makati Mayor Jejomar Erwin “JunJun” Binay at iba pang personalidad.
Kabilang sa mga pumirmang mga senador ay sina Grace Poe, Francis “Chiz” Escudero, Alan Peter Cayetano, Antonio Trillanes IV, Pia Cayetano, Miriam Defensor-Santiago, Bam Aquino, Serge Osmeña III, Aqulino “Koko” Pimentel III, chairman ng subcommittee, and Teofisto Guingona III, chairman ng Senate blue ribbon committee.
“I was not surprised by their decision to sign the report. I only hope that they realize soon enough that the report they signed, despite taking 21 hearings in order to be completed, will be useless when it reaches the Ombudsman,” dagdag ni Binay.