“Malapit na malapit na, nararamdaman ko na!” Ito ang naging sagot ni Xian Lim nang tanungin kung magdyowa na sila ni Kim Chiu.
Present ang Kapamilya hunk actor sa ginanap na presscon ng 2nd PEP List Awards kung saan dalawang award ang nakuha niya – ang Pepsters’ Choice Fab Star of the Year (Male), at Celebrity Pair kasama ang ka-loveteam na si Kim.
Sey ng binata, araw-araw ay mas lalong lumalalim ang samahan nila ni Kim at kahit daw hindi sila masyadong nagkikita ngayon ay ganu’n pa rin sila ka-close, wala naman daw nagbabago sa special friendship nila.
“Malapit na po, nararamdaman ko po. Hindi pa po (kami) eh (pero) malapit na po. She’s special, very special,” aniya. Samantala, wala ring problema kay Xian kung “magkabalikan” sina Kim at ex-boyfriend nitong si Gerald Anderson sa isang teleserye o pelikula, “Wala naman po sa akin ‘yon.
Pero sa ngayin parang wala pa po akong alam (reunion project ng mag-ex) pero ang susunod na project namin ni Kim ay teleserye at may pelikula rin.”
Feeling ba niya, makakaapekto sa relasyon nila ni Kim kung sakaling magsama uli sa trabaho ang ex couple? “Kasali naman po ‘yon. Kwento ko lang.
Kunwari may show kami, either kasama ko si Kim or si Gerald, minsan ang mga fans sila ang nasasaktan, dinidibdib nila. Para sa amin wala po ‘yon, pero sa mga sumusuporta sila yung naaapektuhan.”
Sa ngayon daw, ayaw munang mag-isip ni Xian ng tungkol sa pagbabalikan nina Kim at Gerald, lalo na ngayong single na uli ang binata matapos makipag-break kay Maja Salvador, “Hindi ko po iniintindi ‘yung ganoong bagay. Kung lahat ay iisipin ko baka sumabog na ulo ko.”