KINUKONSIDERA ni Vice President Jejomar Binay si Davao City Mayor Rodrigo Duterte bilang kanyang posibleng running mate sa 2016 presidential elections.
Sa isang panayam, sinabi ni Binay na kwalipikado si Duterte bilang kandidato sa pagka-bise presidente ng United Nationalist Alliance (UNA).
“[Duterte is] being considered. Siguro naman hindi magagalit si Mayor Duterte. Qualified ‘yun, successful mayor ‘yan,” sabi ni Binay.
Ayon pa kay Binay, dati na silang nagkasama ni Duterte kasama si dating Manila mayor Lito Atienza. “Sabi ko nga, there was a time na-feature pa kaming tatlo, successful mayors—ako, si Lito Atienza at saka si Mayor Duterte,” ayon pa kay Binay.
MOST READ
LATEST STORIES