Ito ang mensahe ng taong malapit sa aktor nang mabasa niya na nakitang magkasama ang dalawa sa isang restaurant sa The Fort at sweety-sweety daw.
Ayon pa sa mensahe ng aming kausap, “May mga nakakaalam na may girlfriend si Diet at hindi si Shaina ‘yun.
Barkada lang sila nina Bea (Alonzo) at Zanjoe (Marudo).”
Oo nga, hindi naman bagay sina Diether at Shaina, halatang malaki na ang agwat ng edad nila.
May alam kaming aktor na gustong ligawan si Shaina, sana ituloy niya dahil sila ang bagay at kung mangyayari ito, botong-boto kami, ‘yun nga lang sana magpakatino ang nasabing aktor, tantanan na niya ang pagiging babaero.
Boto kami in a sense na responsible ang aktor at anuman ang narating niya ngayon ay dahil sa sarili niyang kayod at hindi siya nanggamit ng tao para sumikat.