Kung bakit naman kasi meron pang “if ever” na sinabi ang sexy actress, sa madaling salita, “kung sakali” ang ibig sabihin nu’n na siyempre’y hindi naman pasable para sa kanyang ate.
Anong kung sakali ang ibig sabihin ni Cristine, hindi pa ba naman sapat ang mga paninirang-puring ginawa nito sa kanyang ate, hindi pa ba naman aaray nang matindi du’n ang nakatatanda nitong kapatid?
Hihingi na rin lang ng paumanhin si Cristine, di sana’y itinodo na nito ‘yun, hindi ‘yung ganyan na nagparating nga ito ng panghihingi ng sorry sa kanyang ate pero meron pang “if ever” sa kanyang litanya.
Sabi naman ng isang kaibigan naming nakapanood sa panayam ni Cristine, “No offense meant sa mga bading, pero bakit naging ganu’n na ang itsura ni Cristine? Mukhang bading na siya, ang laki-laki ng ilong niya, nakakapanibago siyang tingnan ngayon!
“Mas bagay ang dating ilong niya na halatado rin namang ginawa, mas bagay sa mukha niya ‘yun, hindi tulad ngayon na baklang-bakla talaga ang itsura niya!” napapailing na sabi ng aming source.
Sa estado ng mga pangyayari ngayon ay mukhang matatagalan pa bago maresolbahan ang problema ng magkapatid, tuloy pa rin ang kanilang pagkakasuhan, lalo na’t wala namang nakikitang sinseridad si Ara Mina sa litanya ng kanyang kapatid.
“If ever” na maging sinsero na si Cristine Reyes sa panghihingi nito ng paumanhin ay saka lang siguro aaksiyon si Ara Mina, ‘yun ay “if ever” lang, ha!