70 sentimo bawas-presyo sa singil sa kuryente ipapatupad ngayong Mayo

INIHAYAG ng Manila Electric Company (Meralco) na magpapatupad ito ng 70 sentimo na bawas-presyo epektibo ngayong Mayo.
Sinabi ng Meralco na ang bawas-presyo ay bunsod na rin ng pagbaba sa generation cost.
Sa Twitter account ng Meralco na @meralco, sinabi nito na mangangahulugan ito ng P139 na kabawasan sa bill para sa mga kumukonsumo ng 200 kWh kada buwan.
Ayon pa sa Meralco, aabot sa P208.62 ang matitipid ng mga kumukonsumo ng 300 kWh; P278.16 bawas-presyo para sa mga kumukonsumo ng 400 kWh at P374.70 para sa mga kumukonsumo ng 500 kWh.