Mayweather tinawag si Pacquiao na talunan at duwag

TINAWAG ni Floyd Mayweather, Jr. si Pambansang Kamao Manny Pacquiao na talunan at duwag.
Sa isang nakatakdang panayam ng Showtime kay Mayweather, sinabi ni Mayweather na sa ngayon ay hindi siya interesado sa rematch kay Pacquiao “because he’s a sore loser and he’s a coward.”
Inirekord ang panayam noong Martes ng gabi at nakatakdang iere sa Sabado ng gabi matapos ang replay ng naging laban sa pagitan nina Pacquiao at Mayweather.
Naniniwala rin is Mayweather na hindi naman nakaapekto kay Pacquiao ang sinasabing injury sa balikat.
“Absolutely not.Excuses, excuses, excuses,” sabi ni Mayweather sa panayam ni Jim Gray.
“He was fast,” giit ni Mayweather. “His left hand was fast. His right hand was fast and he was throwing them both fast and strong.”
Idinagdag ni Mayweather na talo naman talaga si Pacquiao.
“I’m not going to buy into it, and I don’t want the public to buy into it,” idinagdag ni Mayweather.
Sinabi pa ni Mayweather na nawala ang respeto niya kay Pacquiao.