Sulat mula kay Carla ng Catalunan, Grande, Davao City
Dear Sir Greeenfield,
May boyfriend ako sa ngayon isa siyang seaman. Mag two-two years na ang relasyon namin, at sabi nya sa akin pagbaba nya raw ng barko gusto nyang magpakasal na kami. Ang ganda ng mga pangako nya para sa future namin, kapag kasal na raw kami magiipon siya ng maraming-maraming pera para makapagpagawa raw kami ng dream house nya na malapit sa beach. Kaya naisipan ko pong sumangguni sa inyo, gusto kong malaman kung sakaling magpapakasal ako sa kanya, susuwertehin kaya ang itatayo naming pamilya? At sa nakikita nyo sa aking palad at sa aming mga birthday siya na kaya ang makakatuluyan ko? March 28, 1982 ang birthday ng boyfriend kong seaman at November 25, 1991 naman ang birthday ko.
Umaasa,
Carla ng Davao City
Solusyon/Analysis:
Palmistry:
Iisa lang naman ang malinaw at magandang Marriage Line (Illustration 1. Arrow 1.) sa iyong palad. Ibig sabihin kung sino ang unang seryoso at totohanang boyfriend mo, tiyak ang magaganap, siya rin ang ang makakatuluyan mo at makakasama sa pagbuo ng isang masaya at pang habang buhay na pamilya.
Cartomancy:
Queen of Clubs, Six of Diamonds at King of Clubs ang lumabas (Illustration 1.). Ang mga baraha ang nagsasabing susuwertehin ka sa pag-aasawa, kung ang nasabing pag-aasawa o pagpapakasal ay gaganapin sa susunod na taong 2016.
Itutuloy….