Hindi namin alam kung malulungkot kami o matatawa sa mga narinig naming nangyari sa pagkatalo ng ating Pambansang Kamao na si Manny Pacquiao dahil may kanya-kanyang kuwento ang mga kakilala naming empleyado ng ABS-CBN, TV5 at GMA 7 na pumusta at natalo.
Hindi na namin babanggitin kung sinu-sino ang mga natalo dahil obviously, kay Manny sila pumusta dahil nga kumpiyansa silang mananalo si People’s Champ.
Kaya kung anu-anong masasamang salita ang narinig namin sa pagkatalo nila sa pustahan samantalang masayang-masaya naman ang mga pumusta kay Floyd Mayweather.
In fairness, marami ang pumusta kay Mayweather, hindi lang namin alam kung bakit hindi nila pinost sa social media na panalo sila sa pustahan – inisip na lang namin na natakot silang ma-boo rin tulad ni Floyd.
Ang tanong, ano kaya ang final decision ni Manny Pacquiao sa boxing career niya, hihinto na ba o tuloy pa rin? Ikaw bossing Ervin, pumusta ka rin ba? (Oo, pero hindi ko sasabihin sa iyo kung nanalo ako o natalo! Ha-hahaha!)