Ibibida ng Star Music ang susunod na henerasyon ng OPM talents at ang bago nilang tunog sa pinakabago nitong compilation album na “OPM Fresh,” tampok ang solo at group acts mula sa iba’t ibang music genres.
Ngunit higit pa sa pagiging isang album, binibigyang pagkakataon ng “OPM Fresh” ang mga bagong sibol na artist na ipakita ang kanilang galing at gumawa ng pangalan sa industriya.
Ang unang compilation album ay naglalaman ng 13 kanta at dalawang bonus tracks. Tampok dito ang pioneer batch ng “OPM Fresh” na kinabibilangan ng Harana, ang pinakabagong boygroup ng young Kapamilya heartthrobs na sina Joseph Marco, Bryan Santos, Michael Pangilinan, at Marlo Mortel.
Nasa album ang kanilang single na “Number One,” pati na ang awiting “M.O.O.” ni Marlo.Bida rin sa “OPM Fresh” ang PBB All In finalist na si Maris Racal at ang kanyang kantang “Tanong Mo Sa Bituin,” pati na ang The Voice artist na si Jacob Benedicto with the song “Pagkat Ikaw.”
Ipinagmamalaki rin ng Star Music ang pagkakasama rito ng composers na sina Kaye Cal (Isang Araw), Hazel Faith (Liwanag), at MMJ or the Magno Twins (Haypa (Hayup Ah).
Kabilang din sa track list ng “OPM Fresh” ang “Rain Dance” ng recording artist/EDM producer na si Moophs feat. Alexandra; “Boy” ng Star Magic artist na si Renee Pionso; “Til My Heartaches End” ni TFCkat 2013 grand winner Vanessa Q; “Must Be Going Crazy” ni Alexander Diaz; “Kasalanan” ni JC Padilla, ang kapatid ni Daniel Padilla; at “Hanep” ng all-girl band na Rouge.
The album also has bonus tracks by Inigo Pascual (Lullabye-bye) and Alex Gonzaga (Break Na Tayo).
Ang “OPM Fresh” ay mabibili na sa mga record bar nationwide. Maaari na ring ma-download ang digital tracks sa pamamagitan ng online music stores katulad ng iTunes, Mymusicstore.com.ph, at Starmusic.ph.
Samantala, tiyak naming suportado ni Daniel ang utol niyang si JC sa singing career nito. In fairness, halos magkahawig din ang boses ng magkapatid, ang pagkakaiba lang sa pandinig namin – mas malamig ang hagod ng boses ni Daniel habang may pagkaastig at mas may angas naman ang voice ni DJ.