Maricar, Richard paspasan na ang paggawa ng baby

At kung malabo pang mabuntis si Gretchen Ho, iba naman ang kaso ni Maricar Reyes-Poon dahil gustung-gusto na raw nitong mabuntis kaya naman hindi na raw ito tumatanggap ng trabaho sa ngayon.

Matatandaang sinabi nina Maricar at asawang si Richard Poon na isang taon after nilang makasal ay gagawa na sila ng baby, lalo’t hindi na rin bumabata ang aktres.

Oo nga, kung hindi kami nagkakamali ay mahigit 30 anyos na ang maybahay ni Richard kaya kailangan na nilang magmadali para hindi ito mahirapang magbuntis.

“Pinapaspasan na nila talaga ngayon birthmate para this year magbuntis si Maricar at next year siya manganak o puwede ring this year,” kuwento pa rin ni Caress Caballero na siya ring handler ng dalawa.