MRT muling nagkaaberya

NA-STRANDED ang daan-daang pasahero ng Metro Rail Transit (MRT-3) ngayon araw matapos magkaroon ng technical glitch ang isa sa mga tren nito.

Kasasakay lamang ng mga pasahero sa North Avenue Station bandang 11:50 ng umaga ngunit sinabihan rin silang bumaba dahil sa aberya.

Ayon sa pasaherong si April Rose Lilagan, papunta na siya sa kanyang trabaho kaya’t nadismaya siya sa anunsyo ng MRT.

Sinabi rin ni Lilagan na nag-anunsyo ang MRT na mayroong problema ngunit hindi na ito nagbigay ng iba pang detalye.
Pasado alas-12 ng tanghali ay muling nagsakay ang MRT bagamat marami pa rin ang apektadong mga pasahero. (Nina Faye Seva)