Ayaw nang magkomento pa ni Vice Ganda tungkol sa pang-iintriga sa kanila ni Mr. Chinatown 2014 winner Kurt Joshua Ong. Kumalat kamakailan na si Kurt daw ang bagong dyowa niya ngayon.
Pero sa isang panayam kay Vice, sinabi nitong isang malaking katsipan ang nasabing balita. Aniya, hangga’t maaari sana ay ayaw na niyang pag-usapan pa ang tungkol sa kanyang lovelife.
“Mas maraming bagay ang mas relevant sa akin kaysa du’n sa lovelife ko. Ayokong pinag-uusapan ang lovelife ko, nakaka-teen star! Saka baka ang mga tao, utang-uta, ‘Ano ba ‘yan, palagi na lang lovelife!’” ang tila imbiyerna nang pahayag ni Vice sa isang interview.
Basta ang mahalaga raw ngayon ay masaya siya.
MOST READ
LATEST STORIES