Mga Laro Ngayon
(The Arena, San Juan)
4:15 p.m. Shopinas vs Philips Gold
6:15 p.m. Petron vs Cignal
Team Standings: Petron (6-0); Shopinas (3-2); Foton (3-3); Philips Gold (2-4); Mane ‘N Tail (2-4); Cignal (1-4)
PALALAKASIN ng Shopinas ang kapit sa ikalawang puwesto sa pagharap sa Philips Gold habang ang unang upuan sa semifinals naman ang pakay ng Petron sa pagpapatuloy ngayon ng 2015 Philippine SuperLiga (PSL) All-Filipino Conference sa The Arena sa San Juan City.
Sa ganap na ika-4:15 ng hapon magsisimula ang laro ng Lady Clickers at Lady Slammers at sakaling manalo ang una ay mananatili itong nagsosolo sa ikalawang puwesto sa 4-2 baraha.
Ngunit kung malasin ang Shopinas, makakatabla nila ang pahingang Foton sa 3-3 baraha.
Mahalaga ang malagay sa unang dalawang puwesto dahil ang mga koponan na ookupa rito ay aabante na sa semifinals habang ang apat na nalalabing koponan ay magtutuos sa isang knockout quarterfinals.
May 6-0 karta ang Petron at isang panalo na lang ay makakasiguro na ito ng puwesto sa semis. —Mike Lee
Photo: Inquirer