KRIS AQUINO AT HERBERT BAUTISTA
Hindi man pinangalanan ni Kris Aquino ang lalaking tinutukoy niya sa isang mensaheng ipinost niya Instagram kamakailan, halatang-halata namang si Mayor Herbert Bautista ito.
Ayon kay Kris, meron siyang ex-boyfriend na nananatili pa ring bahagi ng kanyang buhay, sa kabila raw ng nangyari sa kanila ay napanatili nila ang kanilang magandang pagkakaibigan.
Isang larawan ng lalaki at babae (cartoons) na nag-aapir (high five) ang ipinost ni Kris sa kanyang IG na may caption na: “60% of exes lose contact after a breakup: Is it ever worth it to repurpose your romance into a friendship?”
“(I) realized we’ve grown up a lot, moved on enough, learned to give mutual respect, and yes, laughing together again to finally make it to being part of the 40%…Grateful to be where we are…
“HAPPY WEEKEND IG Friends. GOOD NIGHT. #positivity #inagoodplace,” ang post pa ng TV host-actress.
Kung matatandaan, mismong ang anak ni Kris na si Bimby ang nagbuking na tuloy pa rin ang komunikasyon ng kanyang mommy at ni Bistek.
Ilang netizens naman ang nagsabi na hanggang ngayon ay hindi pa rin ito maka-move on sa break-up nila ni Bistek dahil patuloy pa rin itong nagpo-post ng mensahe patungkol sa alkalde ng Quezon City.
Feel na feel daw nila na mahal pa rin ni Kris si Herbert at umaasa pa rin na magkakabalikan sila. Kung kilala raw nila ang TV host siguradong dedma na forever ang actor-politician kay Kris. Pero dahil nga siya pa ang nagpo-post ng kung anu-anong about Bistek, sure na sure raw sila na love, love, love pa rin niya ang ex-boyfriend.