Jackpot sa Super Lotto aabot na ng P85M

Inaasahang aabot sa P85 milyon ang jackpot prize ng Super Lotto 6/49 sa bola nito sa Huwebes.
Ayon sa Philippine Charity Sweepstakes Office walag nanalo sa P78.2 milyong jackpot prize sa bola noong Martes kaya inaasahan ang paglapit nito sa P100 milyon.
Sa huling bola, lumabas ang mga numerong 33-39-43-44-15-07 kung saan P28.8 milyon ang halaga ng itinaya.
Labingsiyam naman ang nanalo ng tig-P70,000 matapos makuha ang limang numero at 830 mananaya naman ang nanalo ng P1,380 ng makuha ang apat na numero.
Balik-taya naman ang 17,255 mananaya na nakatatlong numero.