Kung paseksihan din lang ang pag-uusapan, tiyak na maraming ilalampasong sexy female celebrities ang hot mama na si Sunshine Cruz.
Kumalat din sa social media ang sexy picture ng nakahiwalay na asawa ni Cesar Montano. Kuha ito sa isang resort sa Pansol, Laguna kung saan nag-spend ng Holy Week ang aktres kasama ang kanyang tatlong anak na babae at ang pamilya ng kanyang kapatid.
Game na game na nag-pose si Sunshine nang naka-two piece swimsuit sa gilid ng swimming pool kung saan makikita rin ang isa niyang anak.
Napakaraming humanga sa katawan ni Sunshine na napanatili ang kaseksihan kahit tatlong beses nang nanganak. Kaya naman sandamakmak din ang nagpapantasya sa estranged wife ni Buboy.
May mga nagsabi pa nga na mas sumeksi at mas naging fresh si Sunshine simula nang mahiwalay kay Cesar.