Fetus natagpuan sa basura na hinakot mula sa isang mall sa QC

Isang fetus ang natagpuan mula sa mga basura na hinakot sa Trinoma Mall sa Quezon City.
Ang babaeng fetus ay nakabalot sa papel at inilagay sa plastik bag.
Hinakot ng JERAM Hauling Service ang mga basura mula sa mall.
Pagdating sa Archy Junkshop ‎sa Payatas Rd., Brgy. Commonwealth ay hinalukay ni Jonathan Rodela ang mga basura at dito niya napansin ang fetus.
Agad na ipinagbigay-alam ng may-ari ng junkshop ang nadiskubre sa Batasan Police station.