Ayaw talagang patulan ni Kris Aquino ang mga pinagsasasabi ng kampo ni Nora Aunor. Ilang kasamahan na naming manunulat ang sumisingit ng tanong sa aktres-TV host tungkol sa ginawang pagsigaw ng Superstar para mapababa sa puwesto ang kanyang kuyang pangulo pero deadma lang siya.
Binabago niya ang paksa, ibang topic na lang ang binabalingan niya, talagang dedmabels lang si Kris pagdating kay Nora Aunor. ‘Yun ang dahilan kung bakit nagagalit sa kanya ang mga tagasuporta ng premyadong aktres
.Isang source ang nagkuwento sa amin na kaya ginawa ni Nora ang pagkontra sa pangulo ay dahil wala naman talaga itong planong tanggapin ang iniaalok na pamasahe ni Kris papuntang Boston para sa kanyang operasyon sa lalamunan.
Sabi ng aming kausap, “Thanks, but no thanks. Wala siyang intensiyong kunin ang pambili ng airfare na in-offer sa kanya ni Kris. Talagang hindi niya ‘yun tatanggapin, kaya nga nu’ng kausapin siya ng mga taga-Migrante, sumama agad siya sa rally,” komento ng aming impormante.
Sobrang nasaktan daw kasi ang Superstar sa mga binitiwang paghusga sa kanya ni P-Noy nu’ng pinag-aargumentuhan kung dapat ba itong parangalan bilang National Artist o hindi.
“Hindi pa nakakalimutan ni Guy ‘yun, tawagin ka ba namang adik, ganu’n na lang ba naman ‘yun?” nakairap pang komento ng aming source.