HUMAKOT ng award si Sarah Geronimo sa nakaraang 2015 MYX Music Awards na ginanap sa SM Aura’s Samsung Hall sa Taguig.
Apat na tropeo ang naiuwi ng girlfriend ni Matteo Guidicelli mula sa MYX kabilang na diyan ang top award na Favorite Music Video para sa “Tayo.” Wagi rin siya bilang Favorite Artist, Favorite Female Artist, at Favorite Remake para sa kantang “Maybe This Time.”
Dalawang award naman ang nakuha ng Teen King na si Daniel Padilla – ang Favorite Male Artist at Favorite Song para sa “Simpleng Tulad Mo.” Siyempre, hindi rin nagpatalbog ang rumored girlfriend niyang si Kathryn Bernardo na siyang nag-uwi ng Favorite Guest Appearance in a Music Video award para pa rin sa “Simpleng Tulad Mo”.
Narito ang iba pang nagwagi sa MYX Music Awards na ginanap last Wednesday: MYX Magna Award: Rey Valera; Favorite Collaboration: “Takipsilim” by Gloc-9 feat. Regine Velasquez-Alcasid; Favorite Mellow Video: “Right Where You Belong” by Julie Anne San Jose; Favorite Urban Video: “Businessman” by Gloc-9; at Favorite Rock Video: “Kislap” by Kamikazee.
Favorite New Artist: Darren Espanto; Favorite Media Soundtrack: “No Erase” by James Reid and Nadine Lustre; Favorite MYX Celebrity VJ: Toni Gonzaga; SPINNR Choice Award: Nikki Gil; Favorite K-Pop Video: “Come Back Home” – 2NE1; Favorite International Video: “Shake It Off” – Taylor Swift; at Favorite Group: Silent Sanctuary.