NANUNTOK diumano ng isang kapwa pasahero at ilang flight attendants sa loob ng isang eroplano ang aktres na si Melissa Mendez. Ito ang dahilan kung bakit pwersahang pinababa ang aktres mula sa sinasakyan nitong eroplano patungong Mindanao ilang oras pa lang ang nakararaan.
Sa Instagram post ng model-athlete na si Andrew Wolff na sakay din ng Cebu Pacific kung saan nakasakay si Melissa, ikinuwento nito kung ano ang tunay na nangyari.
Napilitan daw bumalik sa airport sa Manila ang eroplano dahil sa ginawang pagwawala diumano ni Melissa. Hindi diretsong pinangalanan ni Andrew ang aktres pero sa ipinost nitong video clip sa IG kitang-kita ang mukha ni Melissa Mendez.
Nagsimula raw ang insidente nang pakiusapan ng flight attendants ang aktres na lumipat sa nakatalagang upuan sa kanya dahil naka-reserve na ang inuupuan nito para sa friend ni Andrew.
Ayaw pa raw pumayag nito nu’ng una pero napilitan din siyang lumipat ngunit minura-mura raw nito ang kaibigan ni Andrew.
Kahit na inaawat na ang aktres ng mga flight attendants, ayaw pa rin nitong tantanan ang kaibigan ni Andrew.
Nang pakiusapan uli ito na tumigil na, bigla na lang daw sinuntok ni Melissa ang kasama ni Andrew at ang flight stewardess. Dito na nagdesisyon ang piloto at crew ng Cebu Pacific na bumalik ng Manila para lang pababain ang aktres.
Ayon pa sa IG post ni Andrew, “I’ve seen some crazy things in my life. I regularly travel on planes for work, but this has got to be probably one of the most ridiculous things that I have experienced.
A certain Filipina actress, past her prime may I add, decided to use our reserved seats on the plane. After being asked to move by flight attendants, the captain and even ground security, she agreed to go to her seat (after 30 mins. of cursing).
“Kept claiming she was some sikat na star dati with initials M.M. She smelled like a beer brewery, you just knew something was gonna happen…Anyway, half way to our destination to talk to our programmer in Mindanao, this ‘actress’ decided to curse continually at my friend.
“She was given 2 warning cars by flight attendants, but didn’t stop. She punched my friend and the flight attendants and had to be restrained. The captain announced: ‘Ladies and Gentlemen, I apologize, but we have to go back to Manila due to one unruly passenger.’
“This video is of the initial offloading of this lovely character… Please note 20 ground staff were used just to offload one person. Fines include 500,000pesos and 3 years imprisonment. #WelcomeToTheGoodLife.”
Habang sinusulat ang balitang ito, wala pang iniisyung official statement si Melissa Mendez para linawin ang nasabing insidente.
MOST READ
LATEST STORIES