Mega sinisi ang flat screen TV sa sobrang katabaan

Marami namang naaliw sa naging comment ni Sharon Cuneta tungkol sa flat screen TV na usung-uso ngayon.

Ayon kasi kay Mega, naiinis siya sa nagpauso nito dahil grabe raw ang itinataba ng isang artista kapag napapanood sa flat screen TV.

Sa kanyang Facebook account, nag-post ng mensahe si Mega tungkol dito, aniya, “Nagulat ako kasi flat screen ang TV namin sa bahay, so grrrrrr gusto ko isumpa ang nag-imbento niyan at nakakapunggok at lapad! Hahahahaha joke! Pero nakakapunggok at nakakalapad talaga!”

Hirit pa ni Sharon hindi raw ito magandang inspirasyon para sa mga tulad niyang kinakarir ang pagpapapayat.