Jolo nagdiwang ng kaarawan sa loob ng kulungan kasama ang buong pamilya

Nagdiwang ng kaarawan kahapon ang nagpapagaling nang vice-governor ng Cavite sa PNP Custodial Center. ‘Yun ang hiniling ni Senador Bong Revilla, ang sana’y magkasama-sama silang mag-anak sa kaarawan ni Vice-Governor Jolo, para sama-sama rin silang magpasalamat sa Diyos sa pagkaligtas sa indulto ng batambatang pulitiko.

Konting panahon pa at maayos na maayos na si VG Jolo, isang matinding paghamon na naman ang nalampasan ng pamilya Revilla, hiling ng senador at ni Congresswoman Lani Mercado ay huwag naman sana silang masyadong binibiro ng kapalaran.

Sabi pa ng maganda pa ring aktres-pulitiko sa mga pagsubok na dumarating sa kanilang pamilya, “Never kong kinuwestiyon ang Panginoon nu’ng may mangyari kay Jolo.

“Alam kong may dahilan ang lahat at mula du’n, may leksiyon siyang makukuha. “Basta patuloy lang kaming nagdarasal na sana, sa lahat ng iniaatang na challenge sa buhay namin, e, huwag kaming pabayaan ng Diyos.

‘Yun lang talaga ang palagi kong hinihiling,” komento ng napakatatag at subok na ang katapangang kongresista.
Maligayang kaarawan, Vice-Governor Jolo Revilla!