AKO po si Irene Lopez. Gusto ko po sanang itanong kung ang occupational safety na kino-conduct ng DOLE ay parehas din ng sa OSHC? Naka-attend na po kasi kami ng occupational safety na binigay ng DOLE tungkol sa construction workers. Ang sabi ng boss ko ay kailangan naming umattend ng occupational safety ng OSHC. Hindi po ba parehas lang ito?
Reply: Dear Ms. Lopez, Ano po ba ang training na tinutukoy ninyo, iyon po bang 40-hour Construction Safety Training o iyong one-day Construction Safety Orientation? Iyon po kasing 40-hour Construction Safety Training na mandatory sa lahat ng safety officers ng construction companies ay i-binibigay ng aming opisina na Occupational Safety and Health Center, ng mga Occupational Safety and Health Networks sa bawat rehiyon na isinasagawa nila kasama ang DOLE Regional Offices, at ng mga accredited Safety Training Organizations. Ito po ay nasasaad sa ating Occupational Safety and Health Standards at DOLE Department Order 13: Guidelines Governing Occupational Safety and Health in the Construction Industry.
Sang-ayon po sa Memorandum of Agreement and Joint Administrative Order na pinirmahan ng DOLE, DPWH, DILG, DTI-CMDF, DTI PCAB at PRC noong 2011, ang lahat ng construction workers ay kailangang sumailalim sa one-day Construction Safety and Health Orientation. Ito ay isinasagawa ng OSHC, DOLE o ng isang DOLE-accredited safety practitioner. Kung nais po ninyo ng karagdagan pang impormasyon, maaari po ka-yong tumawag sa 924-2414 o 927-0926. Maraming salamat po.
Diana Joy G. Romero Information Officer III Occupational Safety and Health Center May nais ba kayong isangguni sa Aksyon Line? Maari kayong sumulat sa aming tanggapan Aksyon Line c/o Inquirer Bandera, MRP bldg., Mola St. cor. Pasong Tirad st., Makati City o kaya ay mag-email sa jbilog@bandera.ph, jenniferbilog@yahoo.com.ph or jenniferbilog97@gmail.com. Hangad ng Aksyon Line na buong puso namin kayong mapaglingkuran sa abot ng aming makakaya.
Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.