NAGKAIYAKAN ang mag-amang Senador Bong Revilla at anak na si Cavite Vice Governor Jolo nang magkita sa Asian Hospital Martes ng hapon.
Pinayagan ang senador na makabisita sa kanyang anak matapos “aksidenteng” mabaril ang sarili noong Sabado ng umaga sa kanilang bahay sa Ayala, Alabang sa Muntinlupa.
Ganap na ala-1:30 ng hapon umalis ang convoy ni Revilla mula sa Philippine National Police Custodial Center sa Camp Crame.
Nauna nang pinayagan si Revilla ng Sandiganbayan First Division na mabisita ang anak mula alas-3 ng hapon hanggang alas-8 ng gabi ngayong araw.
Nauna nang hiniling ni Revilla sa anti-graft court na bigyan siya ng tatlong oras na fourlough.Kasalukuyan pa ring nananatili si Jolo sa ICU matapos ang operasyon noong Linggo kung saan isang tube ang ipinasok sa kanyang katawan para i-drain ang dugo mula sa kanyang baga.