HONG NAVARRO AT TANYA BAUTISTA
KINILIG ang followers at supporters ni Vhong Navarro nang mag-post siya ng birthday greeting sa Instagram para sa kanyang girlfriend na si Tanya Winona Bautista.
Isang photo collage ni Tanya ang ipinost ng TV host-comedian sa kanyang IG account na may caption na: “Wonder Woman! Ganyan kita pwede idescribe, at yan ka sa buhay ko. Wala na akong mahihiling pa, kungdi ang makasama ka habang buhay, mahal ko. I love you! Happy birthday!!!”
Sinagot naman ito ng kanyang dyowa, ani Tanya, “effortless” ang mahalin ang isang tulad ni Vhong, “Sus Vhong…maliit na bagay. Translation: It’s effortless for someone I truly, deeply love. I don’t need to be a wonder woman. I love you mahal ko. Thank you for everything!”
In fairness, napakalaki ng nagawa ni Tanya sa buhay ni Vhong lalo na noong kasagsagan ng kinasangkutan nitong iskandalo matapos siyang mabugbog ng tropa ni Cedric Lee. Hindi nito iniwan ang TV host sa laban kaya naman abot-langit ang pasasalamat ni Vhong sa pagtanggap uli nito sa kanya.