DAHIL sa kakapusan marahil ng oras kaya kaunting kakiligan (o marami ang nabitin) lang ang napanood ng Kathniel fans sa Gandang Gabi Vice last Sunday featuring Kathryn Bernardo and Daniel Padilla.
Ang bilis at grabe agad na nag-react ang mga “pamangkin” naming Kathniels, yung iba ay talagang nagalit pa kay Vice.
Nakakaloka ang mga bagets dahil kahit anong paliwanag ang aming gawin na wala namang kontrol ang host ng programa at may mga technical requirement sigurong hindi naayos, kaya ganu’n lang ang kinalabasan ng interview-guesting ng Teen King & Queen ay ayaw pa rin nilang magpaawat.
Kaya hindi namin masisisi si Vice kung nakapagsalita man ito ng hindi maganda laban sa fans ng magka-loveteam. Hay, sana nga lang ay mag-translate into box-office returns as in maging super mega hit ang “Crazy Beautiful You” nina DJ at Kath na showing na sa mga sinehan (it opened last Wednesday).
O hala, mga mahal naming KathNiel fans, enough na ang litanya at mga pangnenega – go na lang sa mga sinehan para lahat tayo ay maging happy, di ba? Gawin natin uling mga box-office stars ang numero unong tambalan ngayon sa local showbiz!
Still on Gandang Gabi Vice, grabe naman ang feedback na nakuha namin sa same episode kung saan naging guest din ni Vice sina Kyla at JayR na mga certified Kapamilya na ngayon.
Pambihirang pagkakataon nga namang matatawag na ang dating dalawa sa big stars ng GMA 7 ay mapapanood mong humahataw at nag-eenjoy sa isang Kapamilya show.
At dahil mga world-class talents sila, natural na iparinig nila ang kanilang mga pambihirang boses kaya kahit kami ay naloka sa aliw! Ha-hahaha!
At dahil aasahan na nga nating mapapadalas ang mga ganu’ng eksena sa ibang shows sa ABS-CBN, might as well enjoy them dahil bukod sa pagkanta, feel din pala talaga kahit ni JayR na umarte gaya ng dream ni Kyla na makalabas sa MMK. O, well, mas maganda siguro kung pagsamahin sila agad sa isang episode ng MMK, di ba?