SA halagang P20, nanalo ng P149 milyon ang isang mananaya sa Catarman, Northern Samar sa bola ng Grand Lotto 6/55 Lunes ng gabi.
Ayon sa Philippine Charity Sweepstakes Office isa lang ang nakataya sa mga numerong 34-15-27-04-03-39 sa bola ng Grand Lotto noong Lunes ng gabi. Nagkakahalaga ng P44 milyon ang itinaya sa naturang bola.
Nanalo naman ng P81,490 ang 27 mananaya na nakalimang numero at tig-P1,210 naman ang 451 mananaya na naka-apat na numero. Ang balik-taya (P20) ay 30,664.
MOST READ
LATEST STORIES