VHONG NAVARRO AT CEDRIC LEE
VHONG NAVARRO admitted na natatakot pa rin siya hanggang ngayon sa pwedeng mangyari sa kanya habang dinidinig ang mga kasong isinampa niya laban sa grupo ni Cedric Lee.
But he said in an interview, kailangang makuha niya ang hustisya na hinahanap niya. “Tuloy po ang laban,” paninindigan ni Vhong matapos ngang maaresto ang isa pang suspek sa pambubugbog sa kanya na si Ferdinand Guerrero.
“Siyempre ako ay natutuwa na nahuli na nga at nasakote na nga ng NBI ang isa sa mga nambugbog sa akin. Ngayon unti-unti kong nakikita ang justice sa atin.
“Hindi naman nawawala ‘yung takot pero ako naniniwala pa din ako sa justice natin na lahat ay magiging maayos. Siguro ako kailangan ko pang magdasal pa na sana ay magkaroon ng katarungan ang ginawa sa akin,” the comedian further claimed.