Ilang celebrities naman ang nalungkot sa pagkatalo ni MJ, kabilang na ang dating beauty queen na si Ruffa Gutierrez at si Vice Ganda. Naniniwala kasi sila na bitbit ng dalaga ang lahat ng qualities para tanghaling Miss Universe.
Sabi ni Vice nang makapasok sa top 10 si MJ, “Pag di pumasok si MJ sa Top 5 walang kakaiiiiiiiiiiiinnnnn! #MissUniversePhilippines!”
Ayon pa sa TV host-comedian, sa mga Pinay candidate na sumali sa Miss Universe, tanging si MJ lang daw ang hindi nakapag-guest sa show niyang Gandang Gabi Vice, post pa ni Vice sa kanyang IG, “Si MJ Lastimosa lang ang pala ang di nag GGV bago sumabak sa MissU. Di ko napadala ang bertud.”
Hirit pa nito, “Congrats pa din MJ Lastimosa! You did your best! Baka po di muna ko makapasok sa Showtime mamaya. May kukulamin lang ako.”
Para naman kay Ruffa na nanalong 1993 Miss World 2nd Princess, “This is just sooooo sad!!! I feel like going back to sleep. Lahat Kami tunganga dito!
As in like…may namatay!? Well let’s see who’s the smartest of all! The crown can be anyone’s!” Tweet pa ni Ruffa, “This is the worst q&A ever! Sayang si @MJ. I believe she could’ve answered with confidence and flying colors!”