HUWAG nang mag-alala ang mga fans and supporters ni Piolo Pascual dahil maayos na ang kundisyon nito matapos ang kinasangkutang aksidente kamakailan.
Nagtamo ng galos sa ilang bahagi ng katawan at fracture sa daliri ang Kapamilya actor nang maaksidente sa bike habang nagsu-shooting ng isang commercial.
Pero siniguro na ng Star Magic na okey na uli ang aktor, pinauwi rin ito agad ng doktor mula sa St. Lukes Medical Center matapos mabigyan ng first aid treatment.
Nakita namin ang isang larawan sa Instagram kung saan ipinakita ni PJ ang daliri niyang may benda. Base rin sa nakita naming litrato parang pati pisngi ng aktor ay nagalusan sa nasabing aksidente.
Mukhang malas talaga si Piolo sa bike dahil kung matatandaan ay naaksidente rin siya habang nagba-bike sa Baguio noong 2012.
Siguro kailangan nang iwasan ni PJ ang sumakay sa bike dahil baka sa ikatlong pagkakataon ay hindi lang galos at fracture ang abutin niya.