NAAKSIDENTE si Piolo Pascual kamakailan habang nagsu-shooting ng isang commercial para sa ABS-CBNMobile. Pero ayon sa kampo ng Kapamilya actor maayos na ang kalagayan ng aktor.
Sa episode ng Aquino & Abunda Tonight nu’ng Huwebes ng gabi, kinumpirma ni Kris na naaksidente si Piolo habang nagba-bike sa nasabing commercial at agad na dinala sa ospital.
Nagkaroon lang daw ng “few scratches” at “small fracture in his finger”.Agad din siyang pinauwi ng doktor matapos gamutin ang kanyang mga sugat. Na-rito ang official statement na ipinadala ng kampo ni PJ.
“Piolo Pascual had a minor bike accident while shooting an ad for ABS-CBN Mobile earlier today, January 22. He has a few scratches and a small fracture in his finger.
He already received proper medical attention for his injuries and has been cleared by the doctors to go home and rest.”
Nakiusap naman sina Boy Abunda at Kris Aquino sa ilang netizens na itigil na ang pagkakalat ng mali-ma-ling balita tungkol sa pagkaaksidente ni Piolo, “Huwag nila i-exage (exaggerate),” sey ni Kris.
“Bakit sinasabi natin ito mga kaibigan? Dahil lumabas po ang iba’t ibang balita kanina na napakalaking aksidente ang nangyari kanina kay Piolo Pascual, hindi po totoo ito,” dagdag ni tito Boy.