Humingi ng dasal ang pamilya ng 71-year-old TV host-comedian na si Kuya Germs matapos itong ma-stroke noong Biyernes.
Habang sinusulat namin ang balitang ito ay nasa Acute Stroke Care Unit (ASCU) ng St. Luke’s Medical Center (Quezon City) pa rin si Kuya Germs.
Ayon sa anak nitong si Federico Moreno, “His right leg is at 50% mobility. 0% on his right arm and a bit slurry on his speech.”
Sabi ng anak ni Kuya Germs medyo okay na ang kundisyon nito pero humiling ito sa mga nagmamahal sa kanyang ama na ipagdasal ang mabilis na paggaling nito, “We humbly ask for your prayers for his quick recovery.
Pls pray for Papa. Don’t worry, he’s OK. It’s just that he cannot entertain any calls nor guests for the coming days. Hope you understand.”
Isa kami sa mga nagdarasal na sana’y bumuti na ang kundisyon ni Kuya Germs at muling makapagpasaya ng manonood.