O, di ba at talaga namang very consistent si Robin Padilla sa pagiging matapang ala-Andres Bonifacio, na siyang ginagampanan niya sa biopic ng nasabing bayani sa kanilang MMFF entry.
Sa kontrobersyal niyang pag-amin na naging “spotter” at “agent” siya ng isang general noong siya’y nasa Muntinlupa, tiyak na masusuong na naman siya sa malaking kontrobersiya.
Posible pa ngang maimbitahan siya sa mga seryosong news programs at senate hearing kung magkakaroon man. Siguradong hindi uurungan yan ni Binoe.
Pinatunayan kasi ni Binoe na meron nga raw gawaan ng shabu sa naturang maximum prison at bentahan din ng droga, pati na mga high-caliber weapons or firearms.
Noon pa raw talaga itong nangyayari sa Munti kaya’t natutuwa siyang isa-isa na itong bumabandera sa madlang pipol.