Para sa may kaarawan ngayon: Sa pag-ibig, habang lumalamig ang panahon hagkan at bigyan ng maini na halik ang minamahal. Sa pinansyal ngayong kapaskuhan makapal na bungkos ng salapi na hindi inaasahan ang biglang mahuhulog sa langit. Mapalad ang 5, 8, 9, 44, 41 at 48. Mahiwaga mong mantra: “Aum-Ghaya-Traya-Om.” Red at blue ang buenas.
Aries – (Marso 21-April 19) – Hindi dapat magwalang bahala sa mga problemang pang-pinansyal na dumarating sa inyong pamilya – gumawa na ng aksyon ngayon bago tuluyang lumala ang sitwasyon. Sa pag-ibig lalo pang mahalin ang kasuyong Leo. Mapalad ang 3, 18, 27, 34, 41 at 44. Mahiwaga mong mantra: “Aum-Agiel-Yophiel-Om”. Maroon at gold ang buenas.
Taurus – (April 20-May 20) – Bawasan ang pagkain ng junk food at laging mag-exercise upang muling sumeksi ang katawan at ng mapanatili ang kalusugan. Sa pinansiyal, iwasang maging lustay, kahit maliit ang kinitakita, pilitin paring mag-ipon. Mapalad ang 3, 18, 21, 33, 39 at 45, Mahiwaga mong mantra: “Aum-Mani-Padme-Om”. Pink at lilac ang buenas.
Gemini – (May 21-June 21) – Sa buwang ito ng Disyembre may bagong pagkakakitaang matutuklasan. Sa pag-ibig, isang tigang na Aries ang magpapapasin sa iyo – sunggaban mo agad! Mapalad ang 6, 15, 24, 34, 43, at 47. Mahiwaga mong mantra: “Om-Bhuvah-Om-Bhanah.” Red at blue ang buenas.
Cancer – (June 22- July 22) – Makakamit ang tagumpay kung sariling diskarte ang aasahan. Sa pag-ibig, ikaw ang unang gumawa ng hakbang, upang muling uminit ang relasyon. Sa pinansiyal, ikaw mismo ang kumilos upang madoble ang kinikita. Mapalad ang 8, 16, 24, 34, 44 at 47. Mahiwaga mong mantra, “Aum-Sahana-Vavatu-Om.” Green at white ang buenas.
Leo – (July 23 – August 22) – Mag-ingat, may mangungutang na naman! Kung hindi siya matanggihan ¼ lang ng inuutang ang ibigay, upang hindi sumama ang loob mo kahit na hindi siya magbayad. Sa pag-ibig, basta’t ang kasuyong Aries ang kasama magiging okey ang lahat. Mapalad ang 2, 7, 21, 27, 32, at 44. Mahiwaga mong mantra: “Visnu-Veda-Om.” Red at green ang buenas.
Virgo – (August 23 – September 22) – Ngayong kapaskuhan patawarin ang mga taong sayo’y nagkasala. Sa ganyang paraan, biglang madodoble ang kinikita. Sa pag-ibig, kalimutan na ang pagkakamali ng kasuyo upang maging happy uli ang relasyon. Mapalad ang 9, 18, 27, 36, 42 at 48. Mahiwaga mong mantra: “Aum-Padme-Om.” Orange at blue ang buenas.
Libra – (September 23-October 23) – Sa paskong darating pag-ibig ang susi upang limigaya. Sa negosyo, haluan ng pagmamahal ang serbisyo at produkto upang lalong lumakas ang kita. Sa pakikipag-relasyon, habang lumalamig ang panahon na mi-miss ka na ng iyong kasuyo, makipagkita sa kanya sa dati ninyong tagpuan. Mapalad ang 6, 18, 27, 33, 36 at 49. Mahiwaga mong mantra: “Aum-Dosya-Segura-Om.” Blue at brown ang buenas.
Scorpio – (October 24 – November 21) – Sa araw na ito tularan mo ang matsing – mautak! Sa pamamagitan ng matalinong pagpapasya, madodoble ang kinikita. Sa pag-ibig, wag puro puso ang gamitin, gumamit ng utak at rason upang lumigaya. Mapalad ang 5, 14, 23, 32, 41, at 49. Mahiwaga mong mantra: “Mahah-Jaya-Om.” Blue at silver ang buenas.
Sagittarius – (November 22 – December 21) – Laging magpasalamat sa Diyos, dahil sa kabila ng mabibigat na pagsubok na pinagdaaan, matatag ka pa rin at kaya pang magpatuloy upang mapitas ang tagumpay at ligaya. Mapalad ang 1, 9, 19, 27, 35, at 48. Mahiwaga mong manrta: “Yod-He Vau-Weh.” White at blue ang buenas.
Capricorn – (December 22 – January 19) – Hindi awa ang dapat pairalin, kundi ang pagiging mukhang salapi upang yumaman. Sa pag-ibig, kung puro damdamin ang paiiralin, paano ka uunlad? Minsan mas magandang maging praktikal ka naman. Mapalad ang 4, 14, 23, 37, 39 at 44. Mahiwaga mong mantra: “Babanam-Kebalam.” Orange at green ang buenas.
Aquarius – (January 20 – February 18)- Isang kasamahan ang mag-tsismis sa mga sinasabi mo. Wag gaanong magtitiwala sa mga kaibigan. Minsan sa halip na mag-kuwento mas magandang tumahimik ka na lang. Sa pag-ibig, basta tahimik ka lang kusang darating ang true love. Mapalad ang 7, 13, 22, 36 40 at 47. Mahiwaga mong mantra: “Taph-Harth-Harath.” Pink at yellow ang buenas.
Pisces – (February 19 – March 20) – Wag dayain ang sarili! Kapag alam mo ng palugi ang investment tumigil ka na bago malubog sa mga pagkakautang. Sa pag-ibig, tama ang ginagawa mong pag-iwas sa tukso. Sa pagiging tapat, mapapanatili ang masayang pamilya. Mapalad ang 4, 14, 23, 36, 41, at 48. Mahiwaga mong mantra: “Aum-Nameh-Vah-Weh-Om-Padme-Om”. Magenta at white ang buenas.