SUNUD-SUNOD na text message ang natanggap naming mensahe kahapon – totoo nga bang umatras na raw si Xian Lim sa bagong teleserye ng ABS-CBN na Bridges na pagbibidahan din nina Jericho Rosales at Maja Salvador?
Si Xian ang pumalit kay John Lloyd Cruz sa nasabing soap drama matapos lumabas ang balitang nagkaproblema si Lloydie sa kontrata niya sa ABS-CBN.
Matatandaang nasulat na inaabot daw ng 34 takes si Xian sa mga eksena niya sa Bridges kaya inis na inis sa kanya ang buong production at ang mga kasamahan niyang artista sa proyekto.
Pero itinanggi na ito ang aktor, wala raw itong katotohanan – OA naman daw ang balita. Nabalitaan din namin na pati raw ang co-actor niyang si Edu Manzano ay inaalalayan na rin siya sa ilang eksena dahil gusto na nitong umuwi.
Paulit-ulit daw kasi ang mga eksena nila dahil hindi diumano makuha nang tama ng ka-lovetam ni Kim Chiu. Kaya nga raw sobra ang panghihingi ng paumanhin ni Xian sa kanyang mga kasama sa soap.
At ang balita nga napag-isip-isip daw ng aktor na hindi talaga niya kakayanin ang mabibigat na eksenang gagawin pa niya sa mga susunod na taping kaya nagpasabi raw ito na umuurong na siya sa programa.
Oo nga, mabibigat ang mga eksena nila sa Briges, dahil para nga dapat kay Lloydie ang papel niya. Ayon sa nakarating sa aming balita, as of now ay naghahanap na ang production ng Bridges kung sino ang puwedeng ipalit kay Xian.