Mga Laro Ngayon
(Cuneta Astrodome)
2 p.m. Mane ‘N Tail vs Foton (5th place)
4 p.m. Cignal vs RC Cola-Air Force (3rd place)
6 p.m. Petron vs Generika (championship)
MAGKAKAALAMAN ngayon kung sino sa pagitan ng Petron at Generika ang pinakamahusay na koponan sa women’s division sa championship game na tatapos sa 2014 Philippine Superliga Grand Prix na handog ng Asics sa Cuneta Astrodome sa Pasay City.
Ikatlo at huling laro ang nasabing bakbakan at mauuna ang pagkikita ng Mane ‘N Tail at Foton sa ganap na alas-2 ng hapon para sa ikalimang puwesto bago sundan ng tagisan ng Cignal at RC Cola-Air Force dakong alas-4 ng hapon para sa ikatlong puwesto.
Ang Petron at Generika ang lumabas na top two teams sa pagtatapos ng double-round elimination kaya’t inaasahang magiging balikatan ang tagisan sa ligang inorganisa ng Sports Core at may tulong din mula sa Air21 My Phone, Via Mare, Mikasa, Mueller Sports Medicine, Healthway Medical, Generika Drugstore, LGR at Jinling Sports bilang technical partners.
Naghati sa tig-isang panalo sa naunang dalawang pagkikita, ang Lady Blaze Spikers ay huhugot ng puwersa kina Alaina Bergsma, Erica Adachi at Dindin Santiago para mahablot ang unang titulo.