Magtatambal sa kauna-unahang pagkakataon ang showbiz royalties na sina Julia Barretto at Iñigo Pascual sa upcoming romantic drama episode ng Maalaala Mo Kaya ng ABS-CBN ngayong Sabado kung saan gagampanan nila ang mga karakter ng magkaibigan na sina Karen at Christian.
Lumaki sa piling ng istriktong ama, si Karen ay nangako sa sarili na magiging masunurin sa kanyang magulang at hindi muna iibig. Ngunit magbabago ang lahat sa pagpasok sa buhay niya ni Christian—ang kanyang first love.
Ngunit sa matagal na panahon ay pilit niyang itinago ang kanyang nararamdaman sa kaibigan sa pamamagitan ng isang diary.
Paano matutuklasan ni Christian ang sikreto ni Karen? Anong gagawin ni Karen sa sandaling matuklasan niyang ang first love niya ang may mahal na palang iba?
Makakasama nina Julia at Iñigo sa kanilang first TV team-up sina Epi Quizon, Arlene Muhlach, Claire Ruiz, Ina Estrada, Celine Lim, Chienna Filomena at Trina Legaspi.
Ito ay sa direksyon ni Raz dela Torre, sa panulat nina Benjamin Logronio at Arah Jell Badayos. Ang MMK ay pinamumunuan ng business unit head nito na si Malou Santos at creative manager na si Mel Mendoza-Del Rosario.
Huwag palampasin ang longest-running drama anthology sa Asia, MMK, tuwing Sabado, 7:15 p.m. pagkatapos ng Home Sweetie Home sa ABS-CBN.