FOLLOW-UP ito sa nasulat namin dito sa BANDERA tungkol sa hindi pagkakasali ni Kris Aquino sa 2014 ABS-CBN Christmas Station ID.
Sabi namin, marahil ay dahil busy lang si Kris sa shooting ng “Feng Shui” kaya hindi na siya naka-join. Wala rin sa bansa ang TV host-actress nang gawin ito.
Nag-post naman ang headwriter ng Kris TV na si Darla Sauler ng ganito, “Sa kanyang (Kris) post kagabi ng picture nila ng Presidente ng Mexico – ‘His Excellency President Enrique Pena Nieto’, na sinalubong niya on behalf of her brother President Noy, may isang nag-comment kay Krissy, nagtatanong kung bakit nga wala siya sa station ID.”
Ito naman ang sagot ni Kris, “(@idmaykel) I was in Japan taping Kris TV when the Thank You spiels were being taped, then super na busy sa FENG SHUI.”