Hindi sinuwerte ang dalawang anak ng music icon na si Rico J. Puno sa blind audition ng The Voice of the Philippines season 2. Wala ni isang coach ang umikot para kunin sila sa kani-kanilang team.
Bagsak sa panlasa nina coach Lea, Sarah, Apl at Bamboo ang performance ng mag-utol na sina Dorica Carla Puno, 30, at Juan Rocho, 28, kahit na nga maituturing silang bihasa na sa pagkanta. Puro puna ang inabot nila pagkatapos ng audition.
Komento ni Bamboo kay Dorica after singing Estelle’s “American Boy”, “For this song lang, how rhythmic it is, ‘yung clarity of the vocal, is necessary.
“Sa akin din, I agree with Bamboo. It requires a certain amount of diction and enunciation of the word,” pagsang-ayon ni Apl.de.Ap.
Sey naman ni coach Lea, “Siguro ‘yung key ng kanta, parang nagsa-struggle ka para abutin ‘yung nota, and for something like that, parang the more relaxed ‘yung feel, ‘yung dating sa amin, napakadali.”
“Singing is also storytelling, especially ‘yang song na ‘yan, hindi naman kinakailangan ng mga grunts o mga birit-birit. Kailangan intinding-intindi lang namin talaga ‘yung kanta. Thank you for joining,” chika naman ni Sarah.
Sumunod na nag-perform si Rocho with his version of Police’s “Every Breath You Take”, pero hindi rin ito pumasa sa coaches. Nang tanungin kung bakit siya nag-join sa The Voice, “Sumali po ako sa ‘The Voice’ para marinig naman po ako ng iba, na hindi ko po kaboses ‘yung tatay ko.”
“Parang it came on a little too strong, which, hindi naman kinailangan ‘yung ganoong klaseng attack. Knowing that there is something in your voice, na maganda, keep going,” ani Lea.
“Parang narinig mo ‘yung comment namin kay Doki tapos ginawa mo eh, sinobra mo. You pushed too much. We know you have the power, you have the voice, that’s in your genes, that’s in your blood, hindi mawawala ‘yun.
It’s a matter of paano mo ilalabas ‘yung kwento,” comment naman ni Bamboo.