KARLA ESTRADA AT DANIEL PADILLA
HINDI pala nakapasa sa blind auditions ng The Voice of the Philippines season 2 ng ABS-CBN ang nanay ni Daniel Padilla na si Karla Estrada.
Hindi na-impress ni Karla ang apat na coaches ng The Voice na sina Lea Salonga, Bamboo, Apl.de.Ap at Sarah Geronimo sa kanyang performance sa nasabing audition. Ayon sa ulat ng ABS-CBN, walang umikot na coach matapos siyang kumanta.
Sinabi naman ng nanay ni Daniel na sumali siya sa The Voice for experience, hindi naman daw talaga siya nag-expect na makakapasa siya sa auditions.
Sa isang website report, matapos makita si Karla on stage ay nag-dialogue raw si coach Lea ng, “I know you! I know you! What’s your name?” Kung matatandaan parehong naging bahagi ng That’s Entertainment noon sina Lea at Karla.
In fairness, napakataas ng rating ng unang episode ng The Voice season 2 na umere noong nakaraang Linggo, base sa Kantar Media nakakuha ito ng nationwide TV rating NG 28.3 percent, habang nakakuha naman ng 17.2 percent ang kalaban nitong Kapuso Mo, Jessica Soho.