ANGELICA PANGANIBAN AT JOHN LLOYD CRUZ
Kapag kumabilang-bakod si John Lloyd Cruz dahil balitang may malaking tampo siya ngayon sa ABS-CBN ay siguradong mga komentong kasingpait ng ampalaya ang ibabato sa kanya.
Walang paltos ‘yun. Siguradong kawalan ng utang na loob ang ibabalik sa kanya ng istasyon, sasabihing hindi siya marunong lumingon sa kanyang pinanggalingan, kaya wala siyang magandang paroroonan.
Hindi pa pala nagre-renew ng kanyang kontrata si JLC dahil wala pa namang bagong kontratang iniaalok sa kanya ang Dos.
Naghihintayan lang kaya sila?
Mas magandang manatili na lang si John Lloyd sa ABS-CBN.
Du’n na siya literal na lumaki, du’n na rin lumaki ang kanyang pangalan bilang aktor, gamay na nila ang bawat isa. May tinatawag na magaan katrabaho, may suwerte ring kasama, napatunayan ni JLC na ang Star Cinema ‘yun para sa kanya.
May tampo raw ang aktor sa produksiyon dahil sa mga eksenang ginawa niya sa “The Trial” na tinanggal.
Magaganda raw ang mga na-edit na eksena, pinanghihinayangan ‘yun ng magaling na aktor, kaya masama ang kanyang loob ngayon.