VALERIE WEIGMANN
Valerie Weigmann visits Tonight With Arnold Clavio.
Mamaya, tutok na sa isang masayang chikahan kasama ang half-German at half-Filipino pero 100% pusong Pinay na si Miss World Philippines 2014 Valerie Weigmann sa Tonight with Arnold Clavio sa GMA News TV.
Nauna siyang nakilala sa isa mga hosts ng segment na Juan for All, All for Juan sa Eat Bulaga. Pero ngayon, buong Pilipinas na ang nakatutok sa kanya at magdarasal para tulad ni Miss World 2013 Megan Young, ay maiuwi niya ang korona ngayong 2014 para sa isang back-to-back win. In fact, bumilib si Arnold sa talino ni Val at posible ngang siya pa rin ang mag-uwi ng Miss World crown.
Sa nagdaang pageant, humakot ng mahigit sa 10 special awards si Valerie, kaya naman trending ang salitang hakot sa gabi ng kanyang koronasyon. Sa kanyang pagdalo sa Tonight with Arnold Clavio, hindi lang poise, charm, grace at beauty ang kaniyang ipapamalas bilang beauty queen.
Tuturuan din niya ang batikang si Aronold Clavio ng ilang German words. At siyempre, haharapin din ng beauty queen ang challenge na ibabato sa kanya ni Igan. TWAC airs tonight at 10:15 p.m. sa GMA News TV.