Malapit ng yumaman

Sulat mula kay
Daisy Gamao Subdivisio,  Luniab, Iligan City.
Dear Sir Greenfield,
Itatanong ko lang po kung may pag-asa ba kaming yumaman na mag-asawa. Isinilang po  ako noong October 23, 1972 at February 14, 1966 naman ang mister ko. Sa ngayon po ay may negosyo kaming grocery sa bayan. Nais ko rin pong malaman kung mapapalaki ba namin ito at ito na kaya ang maging daan upag kami ay yumaman? Sabi ng mister ko ay basta raw magsikap lang kami at magtipid ay yayaman din daw kami. Pero naiinip na ako kaya balak kong magnegosyo din ng pautangan. Ang katabi kasi naming puwesto na nagpapautang na may malaki ang tubo ay may mga sasakyan na sila at magarang bahay. Hindi po ba masamang magpa-five six para mas mabilis kaming yumaman? Saang negosyo o larangan po ba kami yayaman?
Umaasa,
Daisy ng Iligan City  
Solusyon/Analysis:
Palmistry:
Kahit hindi ka na magpautang o magpa-five-six ang straight o tuwid na Head Line (Illustration 1-1 arrow 1.) sa iyong palad ang nagsasabing kahit anong negosyo ang gawin mo sa buhay mo, tiyak na yayaman kayong mag-asawa, basta ang mas mahalaga sa ngayon wag kang masyadong magmadali.
Cartomancy:
Kung ikaw ay isang babaeng medyo mataba o may pagka-chubby na siya ring inilalarawan ng Queen of Diamonds, tiyak ang magaganap. Sa pamamagitan ng grocery o pagtitinda na kinumpirma ng barahang Five of Hearts at Five of Clubs Five, (Illustration 1.), lalo na’t ang mga paninda ay mairo-rolling o mailalako sa ibat-ibang lugar, sa nasabing negosyo kayo uunlad hanggang sa tuluyan yumaman.
Itutuloy