SIGURADONG inatake ng nerbiyos ang Kapuso Primetime Princess na si Kris Bernal sa love scene nila ng Drama King na si Dennis Trillo para sa GMA Telebabad series na Hiram Na Alalala.
Mapapanood na ang kontrobersiyal kissing scene at bed scene nina Kris at Dennis, bilang sina Ivan at Andeng, this week kaya hindi n’yo ‘yan dapat palampasin.
Sa pagpapatuloy nga ng kuwento ng Hiram Na Alaala, narito ang dapat n’yong tutukan: Pumayag si Andrea (Kris) sa hiling ni Regina (Jackielou Blanco) na sakyan ang “confusion” ni Ivan (Dennis) thinking na baka makatulong ito sa pagbalik ng memory ng dating sundalo, na baka pagbalik ng memory nito, masabi nito kung ano’ng nangyari kay Otep/Joseph (Rocco Nacino).
Pagkakita ni Ivan kay Andrea, agad itong sumigla. Naetsapwera na naman si Bethany (Lauren Young). Galit ito kay Regina pero paninindigan lang ni Regina ang naging desisyon niya.
Pahihintulutan ni Andrea ang sweetness ni Ivan pero one time, dahil suot ni Ivan ang PMA ring ni Otep, ay magwawala muli si Andrea. Nasaan ba talaga si Otep? Ano’ng nangyari sa kanya? Gusto ni Andrea pumunta sa kampo nila Otep para siya mismo ang maghanap sa nobyo at sa tulong ni Annabel makakapunta siya roon.
Sakay ng C130, na nagdadala ng relief goods sa kampo at nagsasakay ng libreng mga pasahero, sina Andrea at Annabel (Lotlot de Leon). Ginamit ni Annabel ang pagiging asawa ni Lt. Col. Benedict Corpus para makapasok ng kampo.
Pero wala nang maaabutan si Andrea kung hindi ang mga sulat niya kay Otep na nasa itaas ng isang puno. Sinisisi naman ni Ivan si Regina dahil sa pag-alis ni Andrea. Lalo niya itong hindi kinausap.
Dahil sa kagustuhan niyang makita si Andrea, isang gabing mahimbing na natutulog si Regina, tatakas siyang muli. Gulat na lang ang nurse at si Regina nang walang Ivan na nakita sa kama.
Nang maikwento na niya ang lahat kay Gelai (Julia Lee), since naka-LOA naman siya, nagdesisyong bumalik ng Baguio si Andrea para makapag-isip.
Pero isang idea ang iiwan sa kanya ni Gelai na magpapaisip sa kanya…hindi raw kaya sumapi ang kaluluwa ni Otep kay Ivan?