Sundalo wagi ng P98.6M sa Mega Lotto

ISANG sundalong mula sa Maynila ang nanalo ng P98.652 milyong jackpot prize ng Mega Lotto 6/45 noong Lunes, Oktubre 6, 2014.

Pumunta sa tanggapan ng Philippine Charity Sweepstakes Office Biyernes ang nanalo upang kunin ang kanyang premyo.

Ang nanalo ay 30-taong gulang at mayroong asawa at isang anak.

Plano niyang bumili ng sariling bahay at lupa at magtabi sa bangko para sa kinabukasan ng kanyang anak.

Nagkakahalaga ng P40 ang kanyang taya nang makuha ang jackpot prize. Ang kanyang tinamaang numero ay 45-24-13-16-29-05.

Samantala, sa Davao City tumaya ang nanalo ng P7.559 milyong jackpot prize ng Lotto 6/42 Miyerkules ng gabi (Oktubre 8, 2014)

Isa lang ang nakataya sa naturang mga numero at ito ay sa lotto outlet sa Quimpo Blvd., Davao City. Ang mga lumabas na numero ay 7-6-26-17-1-11.

Nanalo naman ang 76 mananaya ng tig-P7,660 na nakakuha ng limang numero.

Tig-P220 naman ang 2,105 mananaya na naka-apat na numero at ang balik-taya ay 24,159.