GAGAWIN ni Jodi Sta. Maria ang lahat para maging doktor. Isa ito sa ultimate dream ng Kapamilya actress dahil aniya, gusto rin niyang magsilbing inspirasyon sa anak na si Thirdy.
“Gusto kong maging magandang halimbawa sa anak ko kasi ayokong dumating ‘yong panahon na ‘pag pinipilit ko siyang mag-aral, ibabalik niya sa ‘kin na, ‘Ikaw nga, ‘di ka nakatapos,’” chika ni Jodi sa interview ng Tapatan Ni Tunying na mapapanood ngayong hapon, 5 p.m. sa ABS-CBN.
Huminto si Jodi sa pag-aaral bago siya mag-fourth year high school. Natapos niya ito noong 28 years old na siya at kumuha ng kursong medical biology sa De La Salle University-Dasmariñas, “Gusto ko po maging doktor.
Nakapasok po ako doon sa school nila pero hindi ko pa talaga natatapos iyong kurso. Noong time na nag-aaral ako, nagte-taping din ako. Hindi ko na alam kung paano ko hahatiin ang katawan ko.
Pero, babalikan ko siya,” sey ng aktres. Siyempre, kapag nag-aral na uli siya, kailangang mamahinga muna siya sa showbiz or mag-lie low, kaya ‘yan daw ang pinaghahandaan ngayon ni Jodi.
Samantala, dinenay niya na hiwalay na sila ni Vice-Gov. Jolo Revilla, mas lalo pa nga raw tumibay ang kanyang relasyon, “Doon sa ilang taon na pinagsamahan namin, nagkaroon man kami ng problema, ay parte talaga iyon ng pagkatuto namin.
Natuto kami sa mga pagkakamali namin,” sabi ng aktres kay Anthony Taberna.