KRIS AQUINO AT HERBERT BAUTISTA
Nakatikim ng pangaral si Mayor Herbert Bautista mula kay Kris Aquino. Ito nga naman ang kilalang-kilala sa pagiging madaldal at taklesa pero bakit ang mayor ng Kyusi ngayon ang kuda nang kuda?
Marami raw responsibilidad na dapat asikasuhin ang aktor-pulitiko pero bakit kasi ang kanyang personal na buhay ang inaatupag bigyan ng atensiyon ni Mayor Bistek, patutsada pa ni Tetay.
Aba, may punto naman du’n ang aktres-TV host, tapos na ang naunsiyami nilang relasyon, pero bakit hanggang ngayon ay salita pa rin nang salita ang aktor-pulitiko?
Marami ring nagtataka kung bakit nagkaganu’n si Mayor Herbert, kung gaano siya katahimik nu’ng kasagsagan ng isyu tungkol sa kanila ni Kris, ‘yun naman ang pagiging madaldal ngayon ng aktor-pulitiko.
“Sana, hindi na lang siya nagsasalita. Sana manahimik na lang si Mayor Herbert, anyway, tahimik na naman ang kapaligiran tungkol sa pagli-link sa kanila ni Kris.
“Mahalay tingnan sa isang lalaki ang daldal nang daldal, nakaka-becki ang ganu’n, kaya may point si Kris sa mga patutsada niya kay Mayor Herbert!” konklusyon ng isa pa naming source.